सक्षम फाउंडेशन तथा सौरभ वाढई व धनराज रामटेके मित्रपरिवारांचा पुढाकार
रवी वाळके/दे दणका न्यूज मुल
या शिबिरामध्ये तज्ज्ञ डॉक्टरांकडून नागरिकांची सखोल नेत्र तपासणी करण्यात येणार असून मोतीबिंदू शस्त्रक्रियेसाठी पात्र ठरणाऱ्या रुग्णांवर नागपूर येथील शालिनीताई मेघे हॉस्पिटल अँड रिसर्च सेंटर येथे शस्त्रक्रिया करण्यात येणार आहे. विशेष म्हणजे रुग्णांची तपासणी, नागपूर येथे ने-आण, शस्त्रक्रिया तसेच राहण्याची संपूर्ण व्यवस्था पूर्णतः मोफत असणार आहे.
ग्रामीण भागातील नागरिकांना दर्जेदार नेत्रसेवा उपलब्ध करून देण्याच्या उद्देशाने सक्षम फाउंडेशनने शिबिरासाठी पुढाकार घेतला आहे. तसेच या शिबिरात मोफत आरोग्य तपासणी,आधार कार्ड अपडेट व आयुष्यमान भारत कार्ड काढून देण्यात येणार आहे.या शिबिराचा जास्तीत जास्त गरजू नागरिकांनी लाभ घ्यावा, असे आवाहन सौरभ वाढई व धनराज रामटेके मित्रपरिवाराने केले आहे.
